Marrëveshja e bashkëpunimit, Fondacioni Jahjaga dhe Oda e Avokatëve të Kosovës

Më datë 27 dhjetor në Prishtinë, Fondacioni Jahjaga dhe Oda e Avokatëve të Kosovës nënshkruan marrëveshje të bashkëpunimit e cila ka për qëllim mbrojtjen juridike falas për të mbijetuarit e dhunës seksuale gjatë luftës në Kosovë.

Oda e Avokatëve të Kosovës, përmes avokatëve anëtarë të saj, do të mbrojë falas të mbijetuarit e dhunës seksuale gjatë luftës së fundit në Kosovë, duke i përfaqësuar ata para të gjitha instancave të drejtësisë (gjykatave dhe prokurorive) në Kosovë, kurdo që ky proces të fillojë në Kosovë.